Isang Gabing Pag-Ibig

Isang gabing pag-ibig. Iyon lang ang pinagsaluhan nina Albert at Michelle. At iyon ay may sampung taon na ang nakararaan. Ngunit ang karanasang iyon ang nagpabago sa buhay ni Michelle.
Sinikap niyang kalimutan na lang ang nakaraan. Ngunit hindi siya nagtagumpay. Muling nagulo ang mundo niya dahil sa pagbabakasyon niya sa Boracay, muli silang nagkita ni Albert Almonte. At kailangang harapin niya ang katotohanan na hindi pa rin tapos ang nakaraan… dahil naramdaman pa rin niya ang panghihina ng mga tuhod nang halikan nito.
At nang muli niyang ipagkaloob kay Albert ang sarili, she finally realized, the magic was still there.